पीएम किसान योजनेचा लाभ घ्यायचा असेल तर ‘या’ बाबी जरूर लक्षात ठेवा – Marathi News | If you want to take advantage of PM Kisan Samman Nidhi Yojana Do Some Things Latest Marathi News

मुंबई | 03 फेब्रुवारी 2024 : बळीराजा, जगाचा पोशिंदा… शेतकऱ्याच्या मदतीसाठी केंद्र आणि राज्य सरकारकडून योजना आखल्या जातात. यातून शेतकऱ्यांना मदत केली जाते. केंद्र सरकारकडून शेतकऱ्यांसाठी अशीच एक योजना आखण्यात आली आहे, प्रधानमंत्री किसान सन्मान निधी योजना… PM किसान योजने अंतर्गत शेतकऱ्यांना सरकारकडून आर्थिक मदत दिली जात आहे. दरवर्षी 6 हजार रूपये शेतकऱ्यांना या योजनेअंतर्गत दिले जात आहेत. या योजनेचा लाभ शेतकऱ्यांना घेता येईल. मात्र त्यासाठी काही बाबी शेतकऱ्यांना लक्षात घ्याव्या लागतील.

कुठे रजिस्ट्रेशन कराल?

प्रधानमंत्री किसान सन्मान निधी योजना ही जगातली सर्वात मोठी डीबीटी स्किम आहे. याचा लाभ देशातील करोडो शेतकऱ्यांना होतो आहे. या योजनेचा 16 वा हप्ता लवकरच दिला जाणार आहे. सरकारकडून देण्यात येणाऱ्या या आर्थिक मदतीची शेतकरी वाट पाहात आहेत. या योजनेचा लाभ घ्यायचा असेल तर pmkisan.gov.in या वेबसाईटवर जाऊन रजिस्टर करावं लागेल.