Mukhyamantri Solar Agriculture Feeder Scheme: शेतकऱ्यांच्या आयुष्यात आनंदाची बातमी आहे! महाराष्ट्र सरकारने शेतकऱ्यांना मोठी भेट दिली असून मुख्यमंत्री सौर कृषी वाहिनी योजना २.० सुरू केली आहे. मुख्यमंत्री देवेंद्र फडणवीस यांनी या योजनेची घोषणा केली असून यामुळे शेतकऱ्यांना दिवसा मोफत आणि निरंतर वीजपुरवठा मिळणार आहे.
यामुळे महाराष्ट्रातील शेतकरी सौर उर्जेच्या माध्यमातून शेतीत क्रांती घडवू शकतात, असा विश्वास मुख्यमंत्र्यांनी व्यक्त केला आहे. या योजनेमुळे राज्यातील शेतकऱ्यांचे जीवनमान उंचावण्यास मदत होणार आहे.
सौर उर्जेच्या माध्यमातून हरित क्रांतीची सुरुवात
मुख्यमंत्री देवेंद्र फडणवीस यांनी योजनेची माहिती देताना सांगितले की, मुख्यमंत्री सौर कृषी वाहिनी योजना म्हणजे महाराष्ट्रातील शेतकऱ्यांसाठी नवा आशेचा किरण आहे. या योजनेअंतर्गत शेतकऱ्यांना सौर उर्जेवर आधारित दिवसा वीज पुरवठा केला जाणार आहे. यामुळे शेतकऱ्यांना शेतीसाठी लागणाऱ्या वीजेचा तुटवडा भासणार नाही.
सध्या राज्यात 16,000 मेगावॅट वीज शेतकऱ्यांना दिली जाते. गेल्या दोन वर्षांत अनेक फीडर सौर उर्जेत रूपांतरित करण्यात आले आहेत. या योजनेंतर्गत शेतकऱ्यांना केवळ वीजपुरवठा नाही तर स्वच्छ आणि प्रदूषणमुक्त ऊर्जा उपलब्ध होईल, जी भविष्यातील शेतीसाठी अत्यंत महत्त्वाची ठरणार आहे.
शेतकऱ्यांनो खुशखबर! १२ हजार रुपयांचा निधी आता १५ हजार होणार… या दिवशी लागू होणार निर्णय!
प्रकल्पांचे उद्घाटन आणि कार्यक्रमाचा शुभारंभ
मुंबईतील सह्याद्री अतिथीगृहात झालेल्या कार्यक्रमात मुख्यमंत्री फडणवीस यांनी उंबरठा (जि. वाशिम) आणि नारंगवाडी (जि. धाराशिव) येथील सौर कृषी प्रकल्पांचे उद्घाटन केले. या कार्यक्रमात उंब्रठा व नारंगवाडी गावातील शेतकऱ्यांनी व्हिडिओ कॉन्फरन्सिंगद्वारे सहभाग घेतला.
कार्यक्रमात महाराष्ट्र राज्याचे मुख्य सचिव सुजाता सौनिक, ऊर्जा विभागाच्या अतिरिक्त मुख्य सचिव आभा शुक्ला, जलसंपदा विभागाचे अतिरिक्त मुख्य सचिव दीपक कपूर आणि इतर वरिष्ठ अधिकाऱ्यांनी हजेरी लावली. यामुळे हा कार्यक्रम अत्यंत भव्य स्वरूपात पार पडला.
योजना कशी ठरणार गेम चेंजर?
सरकारच्या या उपक्रमाकडे गेम चेंजर म्हणून पाहिले जात आहे. सौर ऊर्जा आणि शेतीचे संगम साधणारी ही योजना राज्याच्या कृषी क्षेत्रात मोठा बदल घडवू शकते.
सौर उर्जेचा वीजपुरवठा सातत्याने व किफायतशीर पद्धतीने शेतकऱ्यांना मिळाल्यास, शेतीतील उत्पादनवाढ होईल. तसेच, शेतकऱ्यांना शेतीसाठी लागणारा अतिरिक्त खर्च कमी होईल. रासायनिक शेतीच्या ऐवजी जैविक शेती करण्यासाठी शेतकऱ्यांना प्रेरणा मिळेल.
पीक विमाचे १३,००० रुपये शेतकऱ्यांच्या खात्यात जमा; या जिल्ह्यातील शेतकऱ्यांना सर्वाधिक लाभ!
शेतकऱ्यांना होणारे फायदे
निरंतर वीजपुरवठा: शेतकऱ्यांना दिवसा शेतीसाठी वीज मिळाल्यामुळे रात्रीच्या वेळेस शेती करण्याची वेळ जाऊन, आराम करता येईल.
खर्चात बचत: डिझेल पंपाच्या वापरावर होणारा खर्च वाचेल, ज्यामुळे शेतकऱ्यांची आर्थिक बचत होईल.
प्रदूषण कमी होणार: सौर उर्जेचा वापर करून शेतकरी पर्यावरणपूरक शेती करू शकतील.
शाश्वत शेतीला चालना: सौर ऊर्जा शेतीसाठी टिकाऊ आणि दीर्घकालीन उपाययोजना ठरेल.
मुख्यमंत्री फडणवीस यांनी सांगितले की, सौर ऊर्जा म्हणजे भविष्यातील शेतीसाठी एक अत्यंत महत्त्वाचा उपाय आहे. सौर उर्जेच्या साहाय्याने शेतकऱ्यांना कमी खर्चात जास्त उत्पादन घेता येईल.
महाराष्ट्र सरकार शेतकऱ्यांसाठी सौर ऊर्जा योजना आणून केवळ शेतीच नाही तर शेतकऱ्यांचा सर्वांगीण विकास घडवू इच्छिते. या योजनेंतर्गत शेतकऱ्यांना आर्थिक स्थैर्य देण्यासाठी विविध उपक्रम राबवले जातील.
शेतकऱ्यांना काय करावे लागेल?
योजनेसाठी अर्ज: या योजनेचा लाभ घेण्यासाठी शेतकऱ्यांनी नजिकच्या कृषी कार्यालयात संपर्क साधावा.
सौर ऊर्जा यंत्रणा बसवणे: योजनेचा लाभ घेण्यासाठी शेतकऱ्यांनी सौर ऊर्जा उपकरणे बसवून घ्यावी लागतील.
सहकार्य: शासनाने दिलेल्या मार्गदर्शनानुसार सर्व प्रक्रिया पूर्ण करावी.
महाराष्ट्र सरकारने शेतकऱ्यांच्या भल्यासाठी घेतलेले हे पाऊल खरोखरच कौतुकास्पद आहे. मुख्यमंत्री सौर कृषी वाहिनी योजना २.० म्हणजे शेतकऱ्यांसाठी नवी आशा आहे.
Web Title – अन्नदात्यासाठी सरकारची मोठी भेट! शेतकऱ्यांच्या फायद्यासाठी मोठ्या योजनेची घोषणा… इथे बघा सविस्तर माहिती!
