Ladki Bahini Yojana: महाराष्ट्रातील महिलांसाठी सुरू करण्यात आलेली लाडकी बहीण योजना सध्या चर्चेत आहे. अनेक लाभार्थी महिलांच्या खात्यात हप्त्यांची रक्कम जमा झाली आहे, पण काही महिलांना अद्याप पैसे मिळालेले नाहीत. सोशल मीडियावर या योजनेबाबत विविध अफवा, शंका आणि चुकीचे मेसेज फिरत आहेत. “2100 रुपये येणार की नाही?”, “निकष बदलले का?”, “फेरतपासणीमुळे लाभ मिळणार नाही का?” अशा अनेक शंकांवर महिला व बालविकास मंत्री अदिती तटकरे यांनी सविस्तर खुलासा केला आहे.
तुमच्या मनात लाडकी बहीण योजनेबाबत शंका असतील, तर हा लेख तुमच्यासाठी आहे. यामध्ये फेरतपासणी, अर्ज प्रक्रिया, वयाच्या अटी, आणि लाभ मिळण्याबाबत सविस्तर माहिती दिली आहे.
लाडकी बहीण योजनेचा सहावा हप्ता आणि फेरतपासणी
लाडकी बहीण योजनेचा सहावा हप्ता वितरित करण्यास सुरुवात झाली आहे. मात्र, ज्या महिलांना त्यांच्या आधार क्रमांकाला मोबाईल नंबर लिंक केलेला नव्हता, त्यांना पैसे मिळण्यात अडचण आली होती. त्यांनी आता आधार मोबाईलसोबत लिंक केल्यानंतर त्यांच्या खात्यावर पैसे जमा होऊ लागले आहेत.
तटकरे यांनी स्पष्ट केले की, जुलै आणि ऑगस्ट महिन्यात अर्ज केलेल्या महिलांना पहिल्या हप्त्यापासूनचा लाभ मिळणार आहे. मात्र, ज्या महिलांनी ऑक्टोबर किंवा त्यानंतर अर्ज केला आहे, त्यांना त्या महिन्यापासूनचे हप्ते मिळतील. म्हणजेच, ऑक्टोबरमध्ये अर्ज केलेल्यांना ऑक्टोबरपासूनचे हप्ते मिळतील, त्याआधीचे नाही.
अन्नदात्यासाठी सरकारची मोठी भेट! शेतकऱ्यांच्या फायद्यासाठी मोठ्या योजनेची घोषणा… इथे बघा सविस्तर माहिती!
2100 रुपये लाभाची घोषणा कधी होणार?
सर्वसामान्य महिलांमध्ये सध्या 2100 रुपयांच्या लाभाबद्दल मोठी उत्सुकता आहे. मुख्यमंत्री देवेंद्र फडणवीस यांनी आधीच स्पष्ट केलं होतं की, यावर निर्णय घेण्यासाठी अर्थसंकल्पीय अधिवेशनात चर्चा होईल. त्यामुळे यासाठी महिलांना थोडं थांबावं लागेल. सध्या प्राधान्याने डिसेंबरच्या हप्त्याचे वितरण करण्यासाठी प्रयत्न सुरू असल्याचं तटकरे यांनी सांगितलं.
निकष कठोर होणार का?
योजनेच्या निकषांमध्ये बदल होणार असल्याच्या अफवा अनेक दिवसांपासून सुरू आहेत. मात्र, तटकरे यांनी स्पष्ट केलं की, सध्या कोणताही शासन निर्णय झाला नाही. फेरतपासणी केवळ तक्रारींच्या आधारे केली जात आहे. उदाहरणार्थ, एका व्यक्तीने 19 बँक खात्यांवर अर्ज भरला, किंवा एका आधार कार्डावर अनेक अर्ज केले असल्याच्या तक्रारी आल्यास, संबंधित प्रकरणांची तपासणी करून योग्य ती कारवाई केली जात आहे.
फेरतपासणीची प्रक्रिया कशी चालते?
फेरतपासणी ही तक्रारींवर आधारित प्रक्रिया आहे. ज्या प्रकरणांमध्ये गैरव्यवहार झाला आहे, अशा प्रकरणांमध्ये तपासणी केली जाते. यासाठी विभागाने अर्ज पडताळणीसाठी क्रॉस व्हेरिफिकेशन प्रक्रिया सुरू केली आहे. यामध्ये खोटे अर्ज किंवा तक्रारींवर कठोर कारवाई केली जाईल.
शेतकऱ्यांनो खुशखबर! १२ हजार रुपयांचा निधी आता १५ हजार होणार… या दिवशी लागू होणार निर्णय!
अर्ज करण्यासाठी नवीन मुदत मिळेल का?
सध्या अर्ज करण्याची मुदत संपली आहे. शेवटची तारीख 15 ऑक्टोबर 2024 होती. अद्याप नवीन अर्जसाठी किंवा मुदतवाढीसाठी कोणताही निर्णय घेतलेला नाही. 2.5 कोटींहून अधिक महिलांचे अर्ज आले असल्याने सरकारचा उद्दिष्ट जवळजवळ पूर्ण झालेल आहे. मात्र, अर्ज करण्याची मुदतवाढ द्यायची का, यावर मंत्रिमंडळ बैठकीत चर्चा होईल.
वयाची अट बदलणार का?
लाडकी बहीण योजनेत सहभागी होण्यासाठी सध्या 21 वर्षे ही किमान वयोमर्यादा आहे. महिलांच्या मागणीनुसार, ती 18 वर्षांवर आणली जाईल का, यावर अद्याप कोणताही ठोस निर्णय झालेला नाही. याबाबतचा अंतिम निर्णय मंत्रिमंडळ बैठकीत घेतला जाईल.
महिला आणि बालविकास विभागाच्या म्हणण्यानुसार, लाडकी बहीण योजनेच्या माध्यमातून लाखो महिलांना आर्थिक मदत मिळत आहे. यामुळे महिलांना त्यांचे घरखर्च आणि मुलांच्या शिक्षणासाठी मोठा दिलासा मिळाला आहे. फसव्या मेसेजवर विश्वास ठेवण्याऐवजी योग्य माहिती अधिकृत स्रोतांकडून मिळवावी, असे आवाहनही अदिती तटकरे यांनी केले आहे.
Web Title – लाडकी बहीण योजनेचा लाभ अजून मिळाला नाही? जाणून घ्या वयाची अट ते फेरतपासणीचे सर्व नियम!
