Maharashtra Assembly Election 2024: महाराष्ट्र विधानसभा निवडणूक 2024 मध्ये सर्वच पक्षांकडून नागरिकांच्या मनात जागा बनवण्यासाठी विविध आश्वासनांचा वर्षाव केला जात आहे. महायुतीने त्यांच्या जाहीरनाम्यात महिला, शेतकरी, कामगार, विद्यार्थी यांसाठी अनेक दिलखुलास घोषणा केल्या आहेत. खाली दिलेल्या मुद्द्यांमध्ये महायुतीच्या या महत्वपूर्ण 10 घोषणा समाविष्ट आहेत.
लाडक्या बहिणींना सन्मान | Financial Support for Women
महिला सुरक्षेसाठी महायुतीने महत्वाचं पाऊल उचललं आहे. आता प्रत्येक महिलेसाठी रु.1500 वरून रु.2100 महिना देण्याचं वचन देण्यात आलं आहे. महिलांच्या सुरक्षिततेसाठी 25,000 महिलांना पोलीस दलात सामील करून समाजात त्यांच्या संरक्षणाची जबाबदारी उचलण्याची योजना करण्यात आली आहे.
शेतकऱ्यांना कर्जमाफी आणि सन्मान | Farm Loan Waiver Maharashtra
शेतकऱ्यांच्या उन्नतीसाठी महायुतीने खास योजना आखली आहे. शेतकरी सन्मान योजनेत प्रत्येक शेतकऱ्याला दरवर्षी रु.12,000 वरून रु.15,000 देण्याचं आश्वासन दिलं आहे. याशिवाय, पिकांना हमीभावावर (MSP) 20% अनुदान दिलं जाणार आहे. शेतकऱ्यांसाठी कर्जमाफीचीही योजना लागू करण्याचं आश्वासन आहे.
तुम्हाला महिन्याचे किती रेशन मिळते? घरबसल्या जाणून घ्या एका क्लिक वर..
प्रत्येकाला अन्न आणि निवारा | Housing for All
गरीब नागरिकांना अन्न आणि निवारा मिळवून देण्यासाठी ठोस पावलं उचलण्याचं महायुतीचं वचन आहे. समाजातील प्रत्येक गरजू व्यक्तीपर्यंत हे दोन मूलभूत हक्क पोहोचवण्यासाठी प्रयत्न केले जातील.
वृद्ध पेन्शन धारकांसाठी दरमहा रु.2100 | Senior Citizen Pension Maharashtra
वृद्धांसाठी पेन्शन वाढवून रु.1500 वरून रु.2100 देण्याचं वचन दिलं आहे, ज्यामुळे वृद्धांच्या दैनंदिन गरजा सहज पूर्ण होतील.
जीवनावश्यक वस्तूंच्या किंमती स्थिर
महागाईवर नियंत्रण आणण्यासाठी जीवनावश्यक वस्तूंच्या किंमती स्थिर ठेवण्याचा निर्णय महायुतीने घेतला आहे, ज्यामुळे सामान्य नागरिकांना महागाईपासून दिलासा मिळेल.
‘या’ राज्यांमध्ये पुढील 5 दिवस मुसळधार पावसाचा इशारा, जाणून घ्या महाराष्ट्रातील हवामानाची स्थिती!
25 लाख रोजगार संधी आणि विद्यार्थ्यांना प्रशिक्षण
महायुतीने राज्यात 25 लाख रोजगार संधी निर्माण करण्याचं वचन दिलं आहे. यासोबतच 10 लाख विद्यार्थ्यांना दरमहा रु.10,000 देत प्रशिक्षण दिलं जाईल. हे पाऊल तरुणांच्या उज्ज्वल भवितव्यासाठी महत्त्वपूर्ण ठरेल.
पाणंद रस्त्यांचा विस्तार
राज्यातील ग्रामीण भागातील 45,000 गावांत पांदण रस्ते बांधून लोकांची ये-जा सुलभ करण्याचं वचन दिलं आहे. हे रस्ते शेतकरी आणि गावकऱ्यांच्या दैनंदिन जीवनात मोठा बदल घडवून आणतील.
अंगणवाडी आणि आशा सेविकांसाठी समर्थन
अंगणवाडी आणि आशा सेविकांना दरमहा रु.15,000 वेतन देऊन त्यांना संरक्षण कवच देण्याचं आश्वासन दिलं आहे. त्यामुळे त्यांच्या सेवेसाठी ही आर्थिक मदत आणि सुरक्षेची गारंटी मिळेल.
वीज बिलात कपात आणि सौर ऊर्जा प्रोत्साहन
सामान्य नागरिकांसाठी वीज बिलात 30% कपात केली जाईल, त्यासोबत सौर आणि अक्षय ऊर्जेला प्रोत्साहन दिलं जाईल, जेणेकरून पर्यावरणस्नेही ऊर्जा उत्पादन होईल.
महायुतीने 100 दिवसांच्या आत ‘व्हिजन महाराष्ट्र @2029’ सादर करण्याचं वचन दिलं आहे. या योजनेमुळे राज्याचा सर्वांगीण विकास धोरण स्पष्ट होईल. (“vision Maharashtra 2029”)
Web Title – आता लाडक्या बहिणींना मिळणार 2100, तर “या” शेतकऱ्यांची होणार कर्जमाफी! बघा जाहीरनाम्यातील नवे बदल..
